The Lord's ma herd, nae scant I'll fear;
He gars me nestle doon
'Mang grassy braes and takes me whaur
Lewn waters lie aroon'.

He frees ma hert frae black despair
An' guides ma roving feet
In guid an' honest roads tae gang
for His Namesake sae sweet.

Tho' I maun gang death's darksome road,
Nae bogies will I dread;
Thou'rt wi' me an' Thy rod an' crook
Will pillow up ma heid.

The weel-spreed table Thou hast gi'en
E'en spiteful anes can view;
Thou'rt poured rich ointment on ma heid
An' ma cup's brimming fou.

Thy mercies aye will mak' life sweet
Whaurever I may be
An' God' ain hoose will be ma hame
For ever and for aye